Panahon ng Pag-ibig

Ang dami ko nakasalubong mula kaninang umaga na may mga dalang bulaklak at kung anu-anong pangregalo para sa iniirog nila. Ang dami ko na rin nakitang pares-pares na magkakasama. Sigurado ako mas marami pa yan bukas. At sigurado akong mabenta nanaman ang condom sa 7/11, watson at supermarket. Ahaha!

Panahon nanaman ng pag-ibig sabi nga ng Rivermaya pero panapanahon nga ba talaga yan? May tamang tiyempo ba? May tamang diskarte ba? At may tamang tao ba? Pwedeng oo pwedeng hindi. Ang pag-ibig kasi ay hindi hinihintay. Ito ay inaagaw para may thrill. Toinks! Para siguro sa mga desperado at desperada. Pero ang pag-ibig ay hindi rin tulad ng prutas na pinapahinog ng pilit. Hinahayaang ito gumulang sa puno at aanihin sa tamang panahon.

Sadyang napakahiwaga ng pag-ibig. Ang dami-daming matutuklasan. Diyan mo rin masusukat at samut-saring uri ng pagkatao. Diba diyan mo nalalaman kung totoo ang isang tao sa relasyon o baka tikim lang ang intensiyon. Okay na okay ang pagsasama pero nung nadelay na, ang dami nang dahilan. Putik! Ang sarap putulin yung bahag na buntot ng mga ganun.

Nang dahil din sa pag-ibig e meron tayong kanya-kanyang version ng katangahan. Aminin! Na kahit na alam mo na nagmumukha ka ng tanga e hindi mo pinapansin dahil dun ka nagiging masaya. Pero di ba wala naman ibang gamot sa katangahan kundi pagkukusa. Hindi naman kasi tungkol ang pag-ibig sa paghahanap ng tamang tao kundi sa pagbuo ng tamang relasyon. Hindi rin yun kung gaano karaming pagmamahal meron ka kundi kung paano ka magmahal hanggang sa huli.

Valentines Day na nga bukas e single ka pa rin. Huwag na magpakawindang sa kaiisip ng kung anu-ano para lang masabing hindi ka napag-iiwanan ng panahon. Tandaan na ang pagiging SINGLE ay oportunidad para matikman ka ng iba. Panalo! Pero sa mga pumapag-ibig na single, huwag umasa ng bonggang-bongga. Mas mainam pa rin ang masurpresa kaya sa mabigo sa kaaasa.

At naniniwala ka ba sa ikalawang pagkakataon? Susme! Ang tanda-tanda mo na naniniwala ka pa dun. Ahaha! Sabi nga nila e mas matamis ang pag-ibig sa ikalawang pagkakataon. Ganun ba yun? Parang flower base na nagboom boloom boom boom boloom boom bass tapos binuo na lang ng mighty bond. Sa tingin mo maganda pa rin yun? Marahil ang ikalawang pagkakataon ay nandiyan para hindi ibalik yung dati kundi para tapusin ang mga bagay bagay ng maayos at pagkatapos ay magpatuloy na sa kanya-kanyang buhay. Sapat na ang naranasan, pansinin mo na yung mga bagay na dapat na matutunan.

Pero di ba ang sakit ng pagpapaalam na hindi pa naririnig ng tenga mo pero alam na ng puso mo. Aanhin mo nga naman ang pagmamahal na wagas kung pag nagsama naman kayo e wala kayong pambili ng bigas. Makakain ba ang pag-ibig? Huwag mapusok. Huwag aastang parang alam mo at kaya mo na lahat. Sasabihing pangangatawanan ang naging desisyon tapos uuwi-uwi ng bahay pagkatapos ng ilang buwan ang payat-payat na. Haaaay! Kamot-ulo!

Hindi na importante kung mababaw ang dahilan kung bakit ka na nagmahal. E ano ngayon? Kasi ang mas mahalaga ay gagawin mong malalim yung dahilan kung bakit kayo magtatagal. Mas masarap kasi alagaan ang relasyon na kahit alam ninyo na hindi perpekto, ramdam naman ng isa’t-isa ang pagiging kuntento. Tandaan din na bahagi ng relasyon ang mga di pagkakaunawaan kaya sa mga panahon ng world war III, putulin at tapusin ang pride, hindi ang relasyon.

Parang sa pag-aasawa lang, hindi yun tulad ng kaning mainit na kapag isinubo at napaso ay iluluwa na lang ng basta-basta. Tapos palalamigin at isusubo ulit tapos iluluwa ulit kapag naisip mong kadiri yung ginawa mo. Eew! Huwag pumasok sa isang relasyon kung hindi mo naman alam ang salitang limitasyon. Kung bakit? Ewan ko. Baka kasi magbitaw ka ng mga permanenteng desisyon kahit na ang mararamdaman mo ay pansamantalang emosyon. Mahirap panghawakan ang mga salita lalu na kung hindi nagkakatugma ang sinasabi sa mga ginagawa. Kaya okay na rin ang maging single. Kaysa naman sa “in a relationship” ka nga, kabit naman pala. Kaya kung magiging kabit ka, siguraduhin mong maganda ka, kung si Anne Curtis nga di umubra, ikaw pa kaya (napanood mo din ba yun?).

Pero bakit nga ba kailangan pa makilala ang taong magpapatibok ng puso mo kung di naman pala siya laan para sayo? Nah! Ang hirap naman sagutin. Parang ulan kasi ang pag-ibig. Minsan marahan, minsan mabilis. At ang pinaka-espesyal dun, kagaya ng pag-ibig, nararamdaman mo ang ulan pero hindi mo kayang pigilan. Lahat ng tao nagmamahal, nagbabago at nasasaktan. Hindi kailangan ang padalus-dalos na pagpapasya kapag pag-ibig na ang usapan. Isipin muna kung may masasaktan sa mga bagay na gagawin. Tandaan na ang salitang “sorry” ay nagpapahupa lang ng galit at hindi nagtatama ng mali.

Ang pag-ibig talaga parang klima. Ang daming panahon. Kaya kung gusto mo itong naintindihan at matagalan, huwag na huwag ka magsusuot ng sando sa panahon ng taglamig. Hindi mo masasabi kung anong panahon ito darating sa’yo pero isa lang naman ang sigurado…

Ikaw mismo ang makakapagsabi kung handa ka na para dito.

10 thoughts on “Panahon ng Pag-ibig

  1. hello, diwang-tanglaw,

    ang daming lessons dito sa post mo, kainaman. babalikan ko uli ito sa isang araw, nyahaha.

    well, what can i say? first, that love is instinctive, hindi maiaalis sa tao. but then, as one goes along sa buhay, pwede itong madagdagan o mabawasan. pagdami ng mga problemang kinakaharap, natatapyasan ang propensity to love and be loved. ganoon din ang epekto ng pag-aaral as in, the more educated a person is, mas nagiging discriminating, if not discerning sya (generally) sa pagsubok at pagpasok sa iba’t ibang relasyon. sabi yon sa studies, haha.

    one thing about love, mas panalo ryan ang mga taong malalaki ang appetite sa buhay, haha. iyong mga marurunong mag-claim, kumbaga. iyong mga kakaunti o kulang sa decisiveness (haha, gaya ko yata), they seem to get less or little. pag risk-averse, kakaunti ang gains, haha.^^

    hope your valentines went well. warm regards!🙂

  2. Salamat Hana sa pagdaan. Nakakatuwa at naeenjoy mo ang pagtambay mo dito. Gawin ng mo yan ng madalas at malalayo ka sa mga masasamang barkada. Ahaha!

    Magandang araw sa’yo!

  3. Hmmm… hindi ba kapag mas risky mas sulit? Ahaha! Pero kahit na ano pang studies yan, kapag tinamaan ka ng pag-ibig, sigurado akong mararanasan mo ang mapuyat at malipasan ng gutom.

    Kagalakan ko ang muli mong pagbalik 35andup…

  4. ayon nga, mas feelingera sa pag-i-pag-ibig, mas may naa-achieve, kainaman… ay, naku, masama tuwing iyan ang tumatama, talo pa ang epekto ng bagyo, pramis. at walang national disaster coordinating committee na malalapitan, as in… wala ring budget para sa reconstruction matapos ang disaster, haha. ^^

    kagalakan ko ang bumalik, sus… cheers! 🙂

  5. Hello, there ! Kamusta na ?

    I know what the post is all about, LOVE ! But of course .

    Ang hirap mag fall in love using one’s brain, and not one’s heart. If we don’t use our head, there’s always the chance we’ll get hurt, big time. Ang mga lalaki, super fickle. Pag naki pag break sa girl, wala nang pakialam. Meanwhile, the girl is totally in despair and just wants to die. Men are born naturally polygamous. Given an opportunity, they are bound to cheat. That fact should be inculcated in women’s heads so that they can prepare themselves for such inevitability. And women should be independent and not depend on the men for everything. Women cling because of their dependence on the men emotionally and financially. Dapat mawala yan. Men should know they can also be kicked out at a moment;s notice.

  6. Ay like ko yang budget pagkatapos ng disaster. Gagamitin ko lahat sa pagpapaganda. Ahahaha!

    Thanks 35andup sa idea.🙂

  7. Uy! Maraming men ang magrereact dito. Ahaha! Pero sa panahon ngayon ha nagiging wise na rin tayo. Yun nga lang talagang totoo na kahit gaano ka pa katalino, kahit gaano ka pa kaganda at kagwapo, kahit na ano pa ang status mo sa buhay, pagdating sa pag-ibig marami pa rin ang magiging tanga.

    Salamat sa muling pagbisita Ren, isang pumapag-ibig na araw sa’yo!

  8. naman! pumapag-ibig tlaga.

    pero ilang beses akong napapatango at napangiti habang binabasa ko to. lalo na sa part ng katangahan. pgusto ko tuloy ito lagyan ng isang malaking check. hahaha

  9. Kahit ako din may version din ng katangahan sa pag-ibig. At natatawa na lang ako ngayon kapag naiisip-isip ko ang mga panahon na yun.

    Salamat sa malaking check Anini. Ingat lagi!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s